وضع مثير للاشمئزاز في الفترة الأخيرة ، لاحظناه على جميع الأصعدة ، ويمكن كان الصعيد السياسي أكثر من غيره ، نظراً لأن الإعلام مركز عليه بشكل كامل، بسبب الظروف السياسية اللي تمر فيها الدولة ..
الكل يعرف طبعاً مقولة ” الإختلاف في الرأي لا يفسد للود قضية ” ، والكل أكيد يؤمن بأن إختلافه مع أي شخص آخر المفروض يكون على مواقف هذا الشخص أو أداءه في مجال معين ، لكن مسألة إني أختلف مع شخص آخر فقط لأن “شكله” مو عاجبني !! ولا إسمه غلط ! ولا حتى أصله ولا قبيلته ولا طريقة كلامه ولا صوته وغيرها وغيرها من الأسباب السخيفة !!
من متى ما قمنا “نواطن ” بعض عشان هالأسباب !!
ومن متى أنا أكون ضد هالشخص لأن أصله بدوي وانا حضري ؟ ولا لأنه شيعي وانا سني ؟ ولا لسبب آخر من ملايين الأسباب العقيمة والسخيفة اللي انتشرت بالديرة بالسنوات الأخيرة ؟
للعلم ، هذي الاختلافات مو بس بالمجال السياسي ، بل تعدت ووصلت لجميع المجالات في الكويت ..
ليش اختفى الإحترام للشخص عند الإختلاف معه ؟
وليش الإختلاف مع الشخص ابتعد عن النقد البنّاء وركز على الهدام ؟
وليش قمنا نفجر في الخصومة ونركز على الجوانب الشخصية ونبتعد عن الموضوعية ؟

{ 2 comments }