ليش ما يكون عندنا قدرة على الحد من ارتفاع الاسعار؟
هالسؤال كل يوم نسأله بينا وبين انفسنا ، وحتى بنقاشاتنا ، نسولف بهالموضوع واحنا متحسرين على اللي قاعد يصير كل فترة ..
العملية واضحة عندنا .. بكل زيادة راتب أو منحة ، ترتفع معاها الاسعار بشكل غير منطقي !!
وين دور الحكومة في هالعملية ؟
مو المفروض أن وزارة التجارة والصناعة تراقب عملية ضبط الاسعار؟
قبل حدوث الازمة الاقتصادية اللي بجأت في أواخر 2008 ، كان العالم يعيش بفترة رخاء ونشاط اقتصادي غير مسبوق ، جراء ارتفاع أسعار البترول وكذلك ارتفاع مستوى الصناعة والخدمات سواء المالية أو غيرها ، وكان بوقتها تزيد أسعار خدمات وسلع بين فترة وفترة .. وعذر المنتجين والمصنعين واحد : أسعار البترول مرتفعة وما نقدر نوازن بالتكاليف إلا بالزيادة !!
وين الخلل بالضبط؟
بالتجار؟
بالحكومة؟
ولا فينا احنا كشعب؟
